Rangasthalam starring Ram Charan and Samantha Akkineni getting good buzz from all over the world. Samantha's Rama Laxmi role has earned a tremoundous positive talk. <br /> <br />రంగస్థలం చిత్రంలో రామలక్ష్మీ పాత్రలో సమంత అక్కినేని అదరగొట్టింది. సమంత నటనకు ప్రేక్షకులు నీరాజనం పడుతున్నారు. ప్రస్తుతం రంగస్థలం సక్సెస్ ఓ పక్క ఎంజాయ్ చేస్తూనే భర్త నాగచైతన్యంతో అమెరికాలో హాలీడే ట్రిప్‌ను ఎంజాయ్ చేస్తున్నది. <br />ఎనిమిదేళ్ల క్రితం ఏ మాయ చేసావే సినిమా షూటింగ్ సందర్భంగా నాగచైతన్య, సమంత ఇద్దరు అమెరికాలోని ఓ ప్రాంతంలో ప్రేమలోపడ్డారు. ఆ ప్రాంతంలోనే ఇప్పడు వారిద్దరూ సందడి చేస్తున్నారు. ఆనాటి జ్ఞాపకాలను చైతూ, సమంత నెమరువేసుకొంటున్న సంగతి తెలిసిందే. ఈ నేపథ్యంలో మీ జీవితంలో ఎక్కువగా గుర్తు పెట్టుకొనే రోజు ఏమిటని ఓ అభిమాని అడుగగా నా పెళ్లి రోజు అని సమాధానం ఇచ్చింది. <br />మీరు అబ్బాయి అయితే ఏ హీరోయిన్‌తో ప్రేమలో పడేవారు అని ఓ అభిమాని అడిగిన తుంటరి ప్రశ్నకు సమంత సమాధానం ఇస్తూ.. దీపికా పదుకోన్ అని సమాధానం చెప్పారు. తనకు దీపికా పదుకోన్ అంటే చాలా ఇష్టమని పలుమార్లు పేర్కొన్న విషయం తెలిసిందే. <br />దక్షిణాది చిత్ర పరిశ్రమలో తనకు బాగా నచ్చిన హీరోయిన్ సాయి పల్లవి అని సమంత ఓ ప్రశ్నకు సమాధానం ఇచ్చింది. ప్రేమమ్, ఫిదా, ఎంసీఏ, కణం చిత్రాలతో సాయి పల్లవి విలక్షణ నటిగా పేరుతెచ్చుకొన్నారు. ఆమె నటనను నాకు బాగా నచ్చింది అని అభిమాని ప్రశ్నకు జవాబిచ్చింది. <br />రాంచరణ్‌తో తన కాంబినేషన్‌ను సరైన జోడిగా భావిస్తాను. రంగస్థలం సినిమా కథను సుకుమార్ చెప్పినపుడు అదృష్టంగా భావించాను. రాంచరణ్ చాలా సెన్సిబుల్. ఆయనతో పనిచేయడం చాలా ఈజీగా ఉంటుంది అని సమంత చెప్పింది.
