A major blow to Kolkata Knight Riders, young fast bowler Kamlesh Nagarkoti has been ruled out of the IPL due to a foot injury. According to Cricbuzz, Nagarkoti had injured himself before the tournament but KKR felt that he would recover in time. They had called Karnataka pacer Prasidh Krishna as back-up and he will now replace Nagarkoti. <br /> <br />ఇండియన్ ప్రీమియర్ లీగ్ (ఐపీఎల్) 11వ సీజన్‌ గాయాల బెడద వదలట్లేదు. గాయాల కారణంగా ఇప్పటికే పలువురు క్రికెటర్లు టోర్నీకి దూరమైన సంగతి తెలిసిందే. తాజాగా ఈ జాబితాలోకి మరో ఆటగాడు చేరాడు. కోల్‌కతా నైట్‌రైడర్స్‌ ఆటగాడు కమలేశ్‌ నాగర్‌కోటి గాయం కారణంగా ఈ ఏడాది ఐపీఎల్ మొత్తం టోర్నీకి దూరమయ్యాడు. <br />ఈ ఏడాది జనవరిలో జరిగిన ఐపీఎల్ వేలంలో కోల్‌కతా జట్టు రూ.3.2 కోట్లకు కొనుగోలు చేసింది. ఈ ఏడాది ఐసీసీ అండర్-19 వరల్డ్ కప్‌లో అద్భుత ప్రదర్శన చేసిన ఈ యువ పేసర్ కోసం పలు ఫ్రాంఛైజీలు పోటీపడ్డాయి. అయితే చివరకు అతడిని కోల్‌కతా దక్కించుకుంది. నిజానికి టోర్నీ ప్రారంభం ముందు నుంచీ నాగర్‌కోటి గాయంతో బాధపడుతున్నాడు. <br />టోర్నీ ప్రారంభం తర్వాత అతడు కోలుకుంటాడని భావించిన కోల్‌కతా జట్టుకు నిరాశే ఎదురైంది. గాయం కారణంగా కమలేశ్‌ నాగర్‌కోటి ఈ ఏడాది ఐపీఎల్ పూర్తి సీజన్‌కు దూరమైనట్లు ఆ జట్టు యాజమాన్యం శనివారం అధికారికప్రకటన చేసింది. అంతేకాదు అతడి స్థానంలో కర్ణాటక ఆటగాడు ప్రసిద్‌ క్రిష్ణన్‌ను తీసుకుంటున్నట్లు వెల్లడించింది. <br />టోర్నీలో భాగంగా కోల్‌కతా తన తదుపరి మ్యాచ్‌లో సన్‌రైజర్స్‌ హైదరాబాద్‌తో తలపడనుంది. ఈ సీజన్‌ ప్రారంభానికి ముందే కోల్‌కతా నైట్‌రైడర్స్‌కు ఊహించని షాక్ తగిలిన సంగతి తెలిసిందే. ఆస్ట్రేలియా పేసర్ మిచెల్‌ స్టార్క్‌ గాయం కారణంగా టోర్నీ మొత్తానికి దూరమయ్యాడు.
