Shikae dhawan makes fun of his co-players <br /> <br />టీమిండియా క్రికెటర్ శిఖర్ ధావన్ జట్టులోని సహచర ఆటగాళ్లను ఆటపట్టించడంలో ఎప్పుడూ ముందుంటాడు. ఈ సీజన్లో వరుసగా మూడు మ్యాచ్లను గెలిచి పాయింట్ల పట్టికలో సన్రైజర్స్ అగ్రస్థానంలో కొనసాగుతోంది. టోర్నీలో భాగంగా సన్రైజర్స్ హైదరాబాద్ తన తదుపరి మ్యాచ్ కింగ్స్ ఎలెవన్ పంజాబ్తో ఆడేందుకు ఇప్పటికే మొహాలీ చేరుకుంది. <br />అయితే మొహాలీ చేరుకునేందు హైదరాబాద్ నుంచి విమానంలో బయల్దేరిన సహచర ఆటగాళ్లను ధావన్ ఓ ఆటాడుకున్నాడు. విమానం ఎక్కగానే చాలా మంది ఆటగాళ్లు నిద్రలోకి జారుకున్నారు. ధావన్కి నిద్ర రాలేదు. దీంతో హాయిగా నిద్రపోతున్న బంగ్లాదేశ్ ప్లేయర్ షకీబ్ ఉల్ హసన్, ఆఫ్ఘన్ ప్లేయర్ రషీద్ ఖాన్లను ఆటపట్టించాడు. <br />ఈ ఇద్దరూ విమానం ఆదమరిచి నిద్రపోతున్న సమయంలో ధావన్ ఓ పేపర్ ముక్కను చుట్టి వాళ్ల ముక్కుల్లో పెట్టడంతో ఏం జరిగిందో తెలియక సడెన్గా వాళ్లు మేల్కొన్నారు. అయితే, తమ నిద్రకు భంగం కలిగించిన ధావన్ను వీరిద్దరూ ఏం అనలేదు. ధావన్ చిలిపి చేష్టలను చూసి విమానంలో ఉన్న వారంతా నవ్వుతూనే ఉన్నారు. <br />ఇందుకు సంబంధించిన వీడియోని సన్రైజర్స్ తన అధికారిక ట్విట్టర్ ఖాతాలో అభిమానులతో పంచుకుంది. టోర్నీలో భాగంగా సన్రైజర్స్ తన తదుపరి మ్యాచ్ కింగ్స్ ఎలెవన్ పంజాబ్తో గురువారం తలపడనుంది. మొహాలీ వేదికగా ఈ మ్యాచ్ జరగనుంది. ఈ సీజన్లో ఆడిన మొదటి మూడు మ్యాచ్ల్లో సన్రైజర్స్ హైదరాబాద్ విజయం సాధించిన సంగతి తెలిసిందే.
