"So happy to meet all the fans and film enthusiasts who made it to the #Baahubali2 screaming screening in Tokyo, Japan last night. The love for movies surpasses boundaries... Happy day.. :)" Rajamouli tweeted. <br />రాజమౌళి దర్శకత్వంలో వచ్చిన 'బాహుబలి-2' చిత్రం జపాన్లో కూడా సంచలన విజయం సాధించింది. డిసెంబర్ 29, 2017లో జపనీస్ బాషలో ఈ చిత్రాన్ని విడుదల చేయగా విజయవంతంగా అక్కడ 100 రోజులు పూర్తి చేసుకుంది. ఈ సందర్భంగా జపనీస్ బాహుబలి-2 డిస్ట్రిబ్యూటర్లు భారీ వేడుక నిర్వహించారు. ఈ వేడుకలో దర్శకుడు రాజమౌళి, నిర్మాత శోభు యార్లగడ్డ హాజరయ్యారు. దీనికి జపాన్ ఫ్యాన్స్ భారీగా తరలి రావడం, వారి నుండి వచ్చిన అద్భుతమైన రెస్పాన్స్ చూసి రాజమౌళి ఫిదా అయ్యారు. ఈ సందర్భంగా ఆయన ట్విట్టర్లో ఓ వీడియో పోస్టు చేశారు. <br />‘బాహుబలి 2' ఇంత పెద్ద విజయం సాధించడానికి కారణమైన అభిమానుల్ని, సినీ ఔత్సాహికులను నిన్న రాత్రి జపాన్ రాజధాని టోక్యోలో కలవడం చాలా సంతోషంగా ఉంది. సినిమాపై ప్రేమ హద్దులను చెరిపేసింది. హ్యాపీ డే'' అంటూ రాజమౌళి ట్వీట్ చేశారు. <br />టోక్యోలో జరిగిన 100 రోజుల వేడుకలో పలువురు జపాన్ అభిమానులు దర్శకుడు రాజమౌళి, శోభు యార్లగడ్డకు ధన్యవాదములు తెలుపుతూ తెలుగులో ప్లకార్డులు ప్రదర్శించడం విశేషం. <br />#Baahubali2 <br />#tollywood <br />#Tokyo
