Grupi i Partisë Demokratike do të votojë kundër Gramoz Ruçit si kryetar të Kuvendit në seancën e së shtunës dhe më pas do t?i bashkohet protestës se ish të përndjekurve jashtë sallës së parlamentit. Ky mësohet të jete vendimi i grupit parlamentar te Partisë Demokratike në të parën mbledhje ku Lulzim Basha paralajmëroi një opozitë jo të lehtë përballë një maxhorancë të konsoliduar numrash.<br /><br />Pas një heshtje të gjatë, Basha foli për sfidat me të cilat grupi demokrat do të përballet në katër vitet e saj të qëndrimit në opozitë.<br /><br />?Opozita jonë nuk do të jetë e lehtë. Qeveria kontrollon të gjitha instrumentet. Ne kemi 3 sfida të rëndësishme. Na takon ne që të bëhemi pengesë që vendi të mos rrëshqasë në kaosin e autokracisë dhe kriminalitetit. Droga, krimi, korrupsioni po izolojnë vendin.?<br /><br />Teksa mohoi se do të ketë përfshirje në nivelet e dyta te qeverisjes, Basha la të hapur mundësinë e bashkëpunimit për reformën zgjedhore me Edi Ramën, por pa përmendur paktin e nënshkruar mes tyre në 18 Maj.<br /><br />?Ne do të reformojmë dhe modernizojmë Partinë Demokratike, e cila do t?i paraprijë reformimit të të gjithë sistemit politik në vend duke filluar nga sistemi zgjedhor.?<br /><br />Mbledhja e së premtes vendosi ndryshimin e strukturës drejtuese në parlament dhe komisione, duke propozuar si kryetar të grupit Edmond Spahon, ndërsa Edi Palokën si nënkryetar të parlamentit./Tv Klan
