Një aksion për rritjen e parametrave të sigurisë dhe për evidentimin e kapjen e personave që qarkullojnë me armë zjarri, të personave në kërkim apo atyre me precedentë penal, është ndërmarrës ditën e sotme nga policia në Tiranë.<br /><br />Gjatë kontrolleve të ushtruara janë shoqëruar në ambientet e Policisë 23 persona për verifikim.<br /><br />Janë kontrolluar dhjetëra makina luksoze si dhe është sekuestruar një pistoletë neutralizuese.<br /><br />Kontrollet do të vijojnë në orë të ndryshme, ndërsa duke filluar nga data 11 shtator këto kontrolle do të shtrihen edhe në afërsi të shkollave.
