Hajrie Rondo, një nga aktoret më të spikatura të kinemasë dhe teatrit shqiptar humbi betejën me sëmundjen që e mundonte prej vitesh. E lindur në vitin 1951 në Delvinë ajo interpretoi në rreth 120 role në teatër dhe 40 role në filma, duke u bërë një nga figurat më të dashura të ekranit.<br /><br />Rondo do të mbahet mend për rolin e Tanës në filmin ?Përrallë nga e kaluara? me regji të Dhimitër Anagnostit, ndërsa ka interpretuar në filma si ?Kush vdes në këmbë", "Një emër midis njerëzve", "Nëntori i dytë", apo "Agimet e stinës së madhe".<br /><br />Gjendja e saj u përkeqësua në vitin 2013 kur nisi një kalvar të gjatë terapish kundër dy sëmundjeve që prekën shëndetin e saj. Siç rrëfeu në këtë intervistë të fundit për emisionin e Rudinës në Televizionin Klan, ajo ishte tërhequr nga jeta publike për një periudhë prej 4 vitesh, por së fundmi vendosi të sfidojë sëmundjen që e mbajti larg nga skena për të luajtur në dramën ?Tre dhëndurët? të dramaturgut të njohur shqiptar, Dionis Bubani.<br /><br />Para pak muajsh Hajrie Rondo u prit disa në një takim të veçantë nga kryetari i Bashkisë së Tiranës, Erjon Veliaj, i cili i dorëzoi asaj Medaljen e Mirënjohjes, në shenjë vlerësimi për kontributin e dhënë ndër vite në teatër dhe në film<br /><br />Tv Klan
