Një tjetër sasi e madhe droge është kapur nga autoritetet në Vlorë. Bëhet fjalë për 1030 kilogramë kanabis të sekuestruara nga një operacion i përbashkët mes Policisë së Vlorë, në bashkëpunim me Prokurorinë e Krimeve të Rënda, Delta Forcë, Policinë Kufitare dhe GdF.<br /><br />Përveç drogës autoritetet gjetën gjithashtu 6 armë zjarri, ndërsa në kërkim janë shpallur persona.<br /><br />Në një njoftim zyrtar, policia sqaron se rreth orës 01.00 të së dielës në Plazh të Vjetër, në lagjen '' 1 Maji'' rreth 30 m larg nga Porti i Vlorës, në një banesë private të pabanuar janë gjetur dhe sekuestruar 49 pako të mëdha të mbështjella me natriban ku brenda tyre kishte kanabis, me peshë totale 1030 kilogramë.<br /><br />Gjithashtu gjatë kontrollit në këtë banesë u gjetën dhe u sekuestruan edhe 6 armë zjarri, nga këto 3 armë Kallashnikov dhe 3 armë pistoleta, si dhe municion luftarak.<br /><br />Në afërsi të banesës në det, ndodheshin tre persona me një gomone, të cilët ishin përgatitur për të transportuar lëndën narkotike drejt Italisë.<br /><br />Në momentin që ka ndërhyrë Policia të tre personat G.S., A.I., J.S., janë larguar me shpejtësi të madhe me gomone në hapësirën detare.<br /><br />Në ndjekie të tyre janë vënë Policia Kufitare, Delta Forcë e GdF, ku ende vijon kontrolli në det për kapjen e tyre.<br /><br />G.S., A.I., J.S janë të përfshirë në këtë veprimtari kriminale të trafikimit të lëndëve narkotike dhe janë shpallur në kërkim nga ana e Policisë.<br /><br />Autoritetet thonë se vijon operacioni për gjetjen dhe kapjen e tre trafikantëve, si dhe vijojnë hetimet për dokumentimin e plotë të kësaj vepre penale./tvklan.al
