Gushti shënoi një dekadë nga koha kur nisën gërmimet për zbulimin e bazilikës së Elbasanit. Në afërsi të Rrapit të Bezistanit dolën në pah muret e bazilikës. <br /><br />Pastaj me radhë kollonat dekorative, kapitelet, elementët arkeologjikë, kisha, varret dhe më në fund edhe mozaikët.<br /><br />Zbulimi ngjalli interes të madh sepse mozaiku ishte një nga më të bukurit në Ballkan.<br /><br />Por kaluan 10 vjet dhe gropa e hapur në mes të Elbasanit është e trishtë.<br /><br />Për këtë panoramë Bashkia Elbasan akuzon dy institucione, Institutin e Arkeologjisë dhe Institutin e Monumenteve. Sipas zyrtareve vendorë zbulimi po mbahet peng për të siguruar fonde për të përfituar. Kryebashkiaku i Elbasanit ka kërcënuar se nëse bazilika nuk zbulohet, do ta mbulojë sërish ashtu siç ishte./ Tv Klan
