Një tjetër vepër energjetike do të ndërtohet në veri të Shqipërisë. Ministria e Energjisë dhe Industrisë ka shpallur fituese një shoqëri me seli në Irlandë, por që është bashkimi i një firme turke, shqiptare dhe irlandeze.<br /><br />Ajo do të do ta ndërtojë hidrocentralin mbi lumin Shalë.<br /><br />Firma do të investojë 100 milionë dollarë për të ndërtuar këtë vepër, e cila pritet të përfundojë brenda 3 vitesh.<br /><br />Lartësia dhe kuotat ujëmbledhëse të hidrocentralit janë propozuar të jenë në të njëjtin nivel me atë të Komanit, 176 metra mbi nivelin e detit, ndërsa fuqia e instalimit do të jetë më e madhja e ndërtuar deri më sot nga sektori privat.<br /><br />Me fuqinë 83 mijë kilovat, HEC-i Shalës ia kalon edhe Ashtës e Devollit. Kontrata që shteti shqiptar do të lidhë me kompaninë është e formës partneritet publik privat dhe shfrytëzimi do të bëhet për 35 vjet, aq sa është edhe maksimumi që lejon ligji për koncesionet.<br /><br />Burimet pranë Ministrisë së Energjisë thonë për Televizion Klan se kompania që ka marrë përsipër ndërtimin e veprës duhet që të sigurojë edhe leje mjedisore përpara se të fillojë punimet si dhe të marrë pëlqimin e banorëve të zonës përreth./Tv Klan
