Trupi i pajetë i një 28-vjeçari dhe makina me të cilën udhëtonte janë nxjerrë nga ujërat e lumit Drin në qytetin e Shkodrës.<br /><br />Sipas policisë, trupi i pajetë i përket Sokol Kullës banues në Ndrejaj, Njësia Administrative Shosh, Shkodër. Ai po udhëtonte nga Shkodra në drejtim të Lezhës mëngjesin e së martës kur ka humbur kontrollin e mjetit tek Ura e Bahçallekut dhe përfundoi në ujërat e lumit Drin.<br /><br />Po ashtu, nga lumi u nxor edhe makina tip ?Fiat? me targa AA593FL.<br /><br />Grupi hetimor vijon punën për sqarimin e rrethanave të daljes nga rruga.<br /><br />Ndryshe nga sa u dyshua fillimisht, në makinë rezultoi të ketë qenë një person dhe jo dy.<br /><br />/tvklan.al
