Dëshira për të shkuar drejt ishullit të Britanisë së Madhe i shtyn shqiptarët të falsifikojnë apo të përdorin dokumente të shtetasve të huaj të zonës së Shengenit. Klan Plus fikson dokumentet e fundit, që Policia Kufitare e Rinasit ka bllokuar, si pasaporta, patenta, karta identiteti apo karta banke.<br /><br /><br />Ndërsa shumë prej klandestinëve përpiqen të falsifikojnë dokumentin, një 30 - vjeçare shqiptare ka modifikuar fytyrën, që t'i ngjasojë dokumentit.<br /><br />Tregu i falsifikimeve nuk është më ekskluzivitet i trafikantëve shqiptarë, por tashmë është i shtrirë dhe në Europë, veçanërisht në Italinë e Jugut, ku shqiptarët ndihmohen për të siguruar këto dokumente.<br /><br /><br />Vendosmëria për t'u arratisur nga Shqipëria ka shënuar edhe aventura të rralla në aeroport.<br /><br />Një 17 - vjeçar nga Puka, pasditen e së martës u arrestua, pasi kishte prerë rrjetën e rrethimit të pistës për të hipur në avion. Pasi u kap nga policia, i riu deklaroi se ishte djali i vetëm i një familjeje të varfër në Pukë dhe donte patjetër që të shkonte në Britani, të punonte atje për të ndihmuar familjen.<br /><br />KLAN PLUS
