Erjon Veliaj do të rikandidojë për Bashkinë e Tiranës në zgjedhjet e 2019 ndërsa sfidon Bashën dhe Berishën të garojnë përballë tij.<br /><br />Duke folur në një interviste për emisionin Repolitix të gazetarit Denis Minga, Erjon Veliaj ka shprehur jo vetëm dëshirën por edhe ambicien për të vijuar drejtimin e bashkisë më të madhe në vend edhe përtej 2019. <br /><br />Në këtë intervistë Veliaj ka folur edhe për raportet me qeverinë "Rama" duke theksuar se konsultohet përditë me kryeministrin për punët e bashkisë.<br /><br />Në lidhje me bashkëpunimin me LSI, Veliaj tha se do bisedojë me këshilltarët e kësaj force politike për vijimin e punës në shërbim të qytetit të Tiranës dhe vetë qytetarëve.
