Ndërkohë që kryeministri Rama në mbledhjen e parë të qeverisë shpalli edhe vitin e Skënderbeut, në përkujtim të 550 vjetorit të vdekjes së tij,vendi ku është varrosur Heroi ynë Kombëtar Gjergj Kastriot Skëndërbeu në qytetin e Lezhës, po shkon drejt degradimit të plotë.<br /> <br />Siç shihet edhe nga pamjet mbuloja është dëmtuar plotësisht dhe kur ka reshje shiu në disa vende pikon duke krijuar shumë lagështirë.<br /> <br />Gjithashtu edhe muret e memorialit kanë pësuar plasaritje në pjesën lindore.<br /><br />Alarmi për këtë situatë është dhënë prej kohësh por që ende nuk po merr vëmendje.<br /><br />Që prej ndërtimit të tij disa vite më parë vendvarrimi i Skëndërbeut nuk ka njohur asnjë investim ndaj dhe shkalla e amortizimit është mjaft e madhe, ndërkohe që përsa kohë nuk ka ende një projekt, ndërhyrja në këtë moment duket ende larg.
