Subscribe në Ora News këtu http://bit.ly/1s5j7UT<br /><br />Në 75-vjetorin e Konferencës së Pezës, Presidenti i Republikës Ilir Meta ka bërë thirrje për bashkim në të mirë të vendit dhe shqiptarëve. Në fjalën e tij, kreu i shtetit shqiptar shprehu mirënjohje për të gjithë ata që pa dallime politike morën pjesë në këtë përvjetor.<br />Përkujtohet 75 vjetori i Konferencës së Pezës, e cila luajti një rol të rëndësishëm ndaj pushtuesve fashistë.<br />I pranishëm në këtë ceremoni, Presidenti i vendit Ilir Meta bëri apel për bashkim në të mirë të vendit, ndërsa tha se ky përvjetor koncidon me mbledhjen e shefave të shtabeve të të gjithë ushtrive të vendeve anëtare të NATO-s.<br />Meta: Pezën jo vetëm ta kujtojmë dhe gjithashtu këtë Konferencë të lavdishme, por mesazhet e saj duhet gjithmonë t?ja përshtasim të tashmes dhe të ardhmes duke gjetur gjithmonë forca dhe vetëdije për t?u bashkuar dhe për të bashkëpunuar për të mirën e Shqipërisë dhe të gjithë shqiptarëve.<br />Nënkryetari i Bashkisë së Tiranës, Arbian Mazniku, theksoi rolin e rëndësishëm të Konferencës së Pezës në të shkuarën por edhe mësimet që jep për të tashmen.<br />Mazniku: Është një mësim i madh për të gjithë shqiptarët që në momente kyçe, ku historia e thërret, shqiptarët kanë ditur të bëhen bashkë. Të mblidhen, të diskutojnë dhe të marrin vendimet e duhura për vendin dhe të ardhmen. Ky është sërish një mësim i madh për të gjithë ne sot, një moment kyç në hapat tona përpara integrimit europian.<br />Edhe këtë vit, në Pezë nuk munguan nostalgjikë të Partisë Komuniste të cilët me pankarta në duar risollën edhe njëherë në vëmendje figurën e Enver Hoxhës.<br /><br />Për më shumë lexoni në: http://www.oranews.tv/vendi/75-vjetori-i-konferences-se-pezes-meta-te-bashkohemi-per-te-miren-e-shqiperise/
