Subscribe në Ora News këtu http://bit.ly/1s5j7UT<br />Bashkia e Malësisë së Madhe ka reaguar për shembjen e kullës së Prek Calit, e cila tashme ka ngjallur debat të ashpër publik. Sipas kësaj njësie administrative, persona të paautorizuar nisën të ndërtonin pa leje objekt të ri mbi rrënojat e kullës. Pasi ka vendosur pezullimin e punimeve, Bashkia e Malësisë së Madhe thotë se nuk është paraqitur asnjë dokumentacion mbi ligjëshmërinë e kësaj ndërhyrje. Në të tilla kushte, ndërtimi është konsideruar i paligjshëm dhe është shembur nga Inspektorati Vendor.<br />Për debatin e ngritur tashmë për shembjen e kullës së Prek Calit, Bashkia e Malësisë së Madhe përmes një reagimi për mediat sqaron se fadromat e Inspektorati shemben një ndërtim të ri që po kryhej mbi rrënonjat e kullës, dhe jo kullën siç pretendohet nga banorët.<br />Sipas kësaj njësie administrative, në gusht të 2017, banori Ndue Dreshaj është ankuar se kulla e dajës së tij Prek Cali është shembur.<br />Një ditë më pas, Inspektorati Vendor ka shkuar për verifikimin dhe ka konstatuar se kulla është shembull nga persona të paautorizuar dhe mbi rrënojat e saj po ngrihej objekti i ri.<br />Inspektorati Vendor për Mbrojtjen e Territorit ka kërkuar dokumentacionin nëse për këto punime ishte marrë autorizim përkatës, por pranë autoriteteve nuk është vënë në dispozicion asnjë dokument.<br />Në të tilla kushte, Bashkia e Malësisë së Madhe e ka vlerësuar ndërtimin pa leje dhe urdhëroi pezullimin e punimeve deri në paraqitjen e dokumentacionit të plotë.<br /><br />Për më shumë lexoni në: http://www.oranews.tv/vendi/bashkia-kullen-e-prek-calit-e-shemben-te-tjere-prishem-punime-e-reja/
