Rreth 15 kosovarë janë paraqitur në spitalin e Durrësit me shenja helmimi pasditen e sotme.<br /> <br />Dyshohet se qytetarët kosovarë janë helmuar në një restorant në zonën e Shkëmbit të Kavajës, pasi kishin ngrënë drekë.<br /> <br />Mësohet se turistët ishin nga Rahoveci, ndërsa kishin ardhur për fundjavë në Durrës dhe para se të niseshin për Kosovë kanë drekuar në një restorant te Shkëmbi i Kavajës.<br /> <br />Por më pas ata kanë ndjerë të përziera,të prera barku i dhimbje koke dhe në këto kushte i janë drejtuar spitalit të Durrësit për ndihmë mjekësore.<br /><br />Pushuesit kosovarë ndodhen aktualisht ndodhen jashtë rrezikut për jetë, ndërsa fillimisht dyshohet se helmimi ka ardhur për shkak të konsumimit të një lloj ushqimi të quajtur gulash.
