Subscribe në Ora News këtu http://bit.ly/1s5j7UT<br />Në shkollën pedagogjike të Elbasanit mëson edhe një nxënës pak i veçantë. Ai është nëntëvjecari Egli Malësia që shkon në klasën e tretë dhe dëftesën e ka me nota të shkëlqyera. Egli është diagnostikuar me autizëm kur ishte 1 vjec e gjysmë, por shtatë vjet përkujdesjeje të vazhdueshme nga nëna dhe psikologët e qendrës së autizmit, kanë sjellë rezultate mbresëlënëse. Nëna e tij, Greta ka një mesazh për të gjithë: ?Mos hiqni dorë nga fëmijët tuaj autikë.?<br />Egli Malësia ka shumë ëndërra si çdo fëmijë dhe mendon se një ditë do të jetë astronaut dhe do të studiojë planetet.<br />?Mua më pëlqen shumë matematika. Kur të rritem kAm dëshirë që të bëhem austronaut. Më pëlqejnë planetet dhe di emrat e tyre,?- lexon Egli në ditarin e tij.<br />Është në klasën e tretë në shkollën pedagogjike në qytetin e Elbasanit dhe ka rezultate të shkëlqyera. Egli ka lindur me zhvillim normal por, siç thonë prindërit, pas një vaksine në moshën 18- muajshe ai ndryshoi dhe u diagnostikua me autizëm. Egli ka frekuentuar për 7 vite qendrën e autizmit në qytet, vite që dëshmuan një zhvillim të vrullshëm të tij.<br />Mësuesja që e ka ndjekur prej klasës së parë, thotë se vogëlushi paraqet tiparet e një djali të zgjuar, të shkathët dhe me vullnet për të studiuar.<br />Anila Kamami: ?Kur erdhi në fillim ishte fëmijë i zgjuar, me inteligjencë të përparuar, mund të them mbi shokët e klasës por kishte probleme në sjellje, në qëndrimin në klasë, ishte i papërqëndruar, kishte dëshirë për tu arsimuar por ishte si ai zogu i trembur. Është si të gjithë të tjerët, nuk ndryshon fare. Është i dashur me shokët dhe shumë bashkëpunues.?<br />Egli merr dashuri nga shokët dhe shoqët.<br />Mario Panxhi: ?Ai është shumë i mirë. Ne në klasë të parë dhe të dytë kemi qenë në një bankë. Egli ka qenë shumë i zgjuar, i shakthët dhe nxënës shumë i mirë.?<br />Ester Lufo: ?Është i dashur me neve dhe komunikojmë shumë bashkë.?<br />Egli sot, renditet si nje model suksesi dhe krenarie jo vetëm për familjen e tij prindërit dhe 2 motrat por edhe për qendrën e femijëve autik dhe shkollën pedagogjike. Nëna e tij, Greta rrëfen e përlotur ecurinë dhe rezultatet e djalit të saj, si edhe ka një mesazh të fortë për të gjithë prindërit.<br />Për më shumë lexoni në: <br />http://www.oranews.tv/vendi/aspak-ndryshe-9-vjecari-autik-qe-shkelqen-ne-shkolle/
