Të tjera objekte pa leje, të ndërtuara ndër vite përgjate lumit të Lanës në Shkoze, janë shembur nga Inspektoriati Kombëtar i Mbrojtjes së Territorit.<br /><br />Ndërhyrja e fadromave për të mundësuar realizimin e projektit të Unazës së Madhe, u shoqërua nga forca të rendit.<br /><br />Por nga banorët e këtyre objekteve pa leje pati kundërshtime të pakta, ndryshe nga ditët e tjera.<br /><br />Rrugët në dy anët e lumit të Lanës do të zgjerohen, siç është vepruar në segmentin nga Materniteti i Ri deri tek Ura e Shkozës.<br /><br />Projekti që vazhdon përgjatë Lanës deri në ish?Uzinën e Autotraktorëve, është pjesë e anës lindore të Unazës së Madhe.<br /><br />Unaza ka arritur tashmë deri në Farkë. Dhe me punimet që do të kryhen përgjatë zgjatimit të Lanës, dy segmentet pritet të bashkohen shumë shpejt me njëri ? tjetrin, pasi po punohet në të dyja krahët.<br /><br />Në këtë mënyrë, pjesa lindore e kryeqytetit dhe jo vetëm, do të ketë akses më të shpejtë në unazën që funksionon aktualisht nga TEG deri tek sheshi Shqiponja, duke u lidhur me rrugën kryesore të zonave juglindore, me autostradën Tiranë-Durrës dhe me rrugën hyrëse të veriut të vendit.<br /><br />Projekti për rehabilitimin e Lanës dhe zgjerimin e segmentit të unazës së madhe që kalon përgjatë saj nisi që në kohën e qeverisë Berisha dhe kur në krye të Bashkise së Tiranës ishte Lulzim Basha. Por ndërtimet pa leje e mbajtën atë peng për katër vjet me radhë. <br /><br />Tv Klan
