Vlorë - Fier/ Një tjetër operacion i përbashkët antidrogë është finalizuar me sukses në det e tokë.<br /><br />Operacioni nisi në mesnatë nga Policia Kufitare Vlorë e Delta Forcë me sinjalizimin e radarit të Policisë Kufitare në Hoxharë.<br /><br />Në të më pas janë përfshirë Roja Bregdetare, GdF-ja, D.V.P.Fier, FNSH Fier dhe D.V.P., Vlorë.<br /><br />Bllokohet midis plazhit të Semanit dhe Darëzezës, në vendin e quajtur "Kanali i Serës" pranë Hidrovorit të Hoxharës, një Velierë me emrin ?Nano Nini? me flamur belg, me 2 persona në bord, një italian dhe një shqiptar.<br /><br />Operacioni është zhvilluar në kushte shumë të vështira të motit, ku deti ishte me dallgë 5 - 6 ballë.<br /><br />Për këtë shkak nga Policia Kufitare dhe Delta Forcë, është kërkuar ndihma e Rojes Bregdetare dhe më pas e GdF-së.<br /><br />Kur personat në velierë kanë parë se në drejtim të tyre po shkonte Roja Bregdetare dhe Policia kanë hedhur lëndë narkotike në det.<br /><br />Personat në Velierë janë kapur nga Policia dhe janë shoqëruar në Drejtorinë Vendore të Policisë, Fier.<br /><br />Forcat e Policisë të Drejtorisë Vendore të Policisë Fier, së bashku me FNSH-në Fier, Delta Forcë e Policisë Kufitare përgjatë natës dhe orëve të para të ditës së sotme, kanë rikuperuar të gjithë sasinë e lëndës narkotike që ishte hedhur në det.<br /><br />Janë sekuestruar 151 pako të mëdha ku brenda tyre kishte gjithsej 1 191 kg lëndë narkotike Cannabis Sativa.<br /><br />Gjatë kontrollit në mjetin lundrues janë gjetur mbetje të lëndës narkotike dy armë gjahu pa leje, dy aparate GPS dhe 1 palë dylbi.<br /><br />Në përfundim të veprimeve të para të kryera nga Specialistët për Hetimin e Narkotikëve në Drejtorinë Vendore të Policisë Fier, në bashkëpunim me Prokurorinë e Krimeve të Rënda, u bë arrestimi i dy personave që u gjetën në bordin e mjetit lundrues dhe konkretisht:<br /><br />? Veli Ymeraj, 35 vjeç, banues në Fier.<br />? Ciovanni Palladino, 69 vjeç, banues në Itali.<br /><br />Veprat penale "Trafikimi i lëndëve narkotike", "Prodhimi dhe shitja e lëndëve narkotike" dhe "Mbajtja pa leje e armëve të gjahut".<br /><br />Dyshohet se mjeti lundrues kishte destinacion Italinë.<br /><br />Vijojnë hetimet në bashkëpunim me Prokurorinë e Krimeve të Rënda dhe me Policinë Italiane për zbardhjen e plotë të tentativës për trafik ndërkombëtar të lëndëve narkotike./tvklan.al
