Një aksion i madh policor ka filluar ditën e sotme në qytetin e Elbasanit, i cili shënjestron personat me rekorde kriminale. <br /><br />Burime policore bëjnë me dije se aksioni ka nisur sot dhe po vijon ende, ndërsa deri më tani janë vënë në pranga disa persona. <br /><br />Në operacion janë përfshirë Forcat Speciale nga Policia e Tiranës dhe Elbasanit, të cilat janë vënë në kërkim të personave me rekorde kriminale. Nga informacionet e para, uniformat blu njoftojnë se janë shoqëruar 4 persona. <br /><br />Ndërkohë, në Elabsan ndodhet dhe Drejtori i Përgjithshëm i Policisë së Shtetit, Haki Çako, i cili pak më parë zhvilloi një mbledhje urgjente me drejtuesit e policisë së qarkut.<br /><br />Ky aksion i gjerë policor nga Tirana dhe Elbasani ka nisur vetëm tri ditë pasi automjeti në përdorim të biznesmenit dhe pronarit të tregut ushqimor në Elbasan, Petrit Çela, goditi eskortën e policisë, e cila kishte ndaluar në postbllok një automjet të blinduar me vlerë 100 mijë euro.
