VLORE - Pas Elbasanit, policia ka shtrirë edhe në Vlorë aksionin për kontrollin dhe sekuestrimin e makinave luksoze, për të cilat nuk justifikohet burimi i të ardhurave.<br /><br />Ky operacion është kryer nga forcat RENEA dhe "Delta Force". <br /><br />Gjatë këtij aksioni, Policia ka ushtruar kontrolle edhe për personat e shpallur në kërkim për disa ngjarje të rënda kriminale në qytetin bregdetar. <br /><br />Qyteti i Vlorës njihet për prezencën e elementëve të cilët janë identifikuar si pjesë e kontigjenteve kriminale kryesisht të trafikut të drogës. <br /><br />Forcat e Ndërhyrjes së Shpejtë dhe RENEA po vijojnë prej disa ditësh në të gjithë vendin aksionin për kontrollin dhe bllokimin e automjeteve luksoze që dyshohet se janë siguruar nga të ardhura me veprimtari kriminale. <br /><br />Ky operacion konsiston në kontrollin, identifikimin, kapjen dhe arrestimin e personave në kërkim, të atyre që qarkullojnë me armë zjarri, autorëve të ngjarjeve të rënda kriminale si dhe pjestarë të grupeve kriminale.
