Subscribe në Ora News këtu http://bit.ly/1s5j7UT<br />Këshilli bashkiak i Tiranës do të mblidhet këtë të enjte ku do të vendosë për tarifat e reja për gjelbërimin por dhe të përdorimit të ambienteve sportive.<br />Sipas projektvendimit administratorët e pallateve do të përjashtohen nga taksa e pastrimit dhe tarifa e përkohshme arsimore.<br />Teksa kryeqyteti për pagesën e tarifës së gjelbërimit ndahet në tre zona.<br />Banorët në qendër do të paguajnë 5 mijë lekë në vit, jashtë unazës 2 mijë lekë dhe në ish komunat 1 mijë lekë.<br />Tarifa keto qe do të vendosen në faturën e ujit të pijshëm.<br />Po ashtu janë saktësuar dhe çmimet e përdorimit të ambienteve sportive. Për fushat e futbollit paguhet 400 lekë ora, të volejbollit dhe basketbollit 100 lekë në orë për person.<br />Sa u përket kalçetove tarifa është 150 lekë ora ndërsa ambientet me bar sintetik do të kushtojnë 125 lekë ora. Në projektvendim parashikohet dhe përdorimi i ambienteve shkollore që shkon në 5 mijë lekë ora.<br />Po ashtu është parashikuar dhe çmimi i biletave, ku për herë të parë propozohet karta e publikut e cila do të kushtojë 3 mijë lekë dhe përfshin 8 bileta për shfaqje teatrore e koncerte si dhe dy ftesa në çift.<br /> Sa u përket biletave do të jenë 500 lekë për shfaqjet teatrore teksa studentët dhe personat mbi 65 vjeç do të paguajnë 300 lekë.<br /> Sa u përket koncerteve vlera e biletës do të jetë 1 mijë lekë.<br />Për të marrë në përdorim Qendrën kulturore në Tiranë si dhe ambientet e amfiteatrit vlera do të jetë 10 000 lekë ora, ndërsa për të hyrë në kopshtin zoologjik do të paguhet 50 lekë për fëmijë dhe 100 lekë për të rritur<br /><br />Për më shumë lexoni në: <br />http://www.oranews.tv/vendi/bashkia-e-tiranes-cakton-tarifat-e-reja-per-gjelberimin-e-ambientet-sportive/
