Komisioni i Sigurisë Kombëtare është përfshirë nga debatet sot pas diskutimit për krimin e organizuar, drogën dhe dhunën në familje gjatë raportimit të Drejtorit të Përgjithshëm të Policisë për Rendin dhe Sigurinë, Altin Qato.<br /> <br />Deputeti i PD, Flamur Noka ka lëshuar akuza të forta në drejtim të policisë së shtetit, ndërsa sipas tij, Shqipëria është vend transit për drogën.<br /> <br />?Një Shqipëri që është vend transit i drogave të forta, nuk mund të ketë polici të besueshme.<br /> <br />Drejtues të lartë të policisë janë të përfshirë në trafikun e kanabisit. Ndërsa drejtues policie janë të larguar me kërkesë të ambasadës amerikane.<br /> <br />Nëse do vazhdoni ta mbani policinë në lidhje me krimin, do ta degradoni dhe kalbeni. Në 4 vitet që shkuan nuk u fol gjë tjetër vetëm për drogën.<br /> <br />Ato që thashë nuk bazohen në hamendje. Deklaratat e prokurorisë dhe informacionet e shërbimit sekret flasin për përfshirjen e zyrtarëve të policisë së shtetit janë të lidhur me drogën.<br /> <br />Partnerët ndërkombëtarë sidomos ata amerikane e kanë evidentuar këtë? deklaroi Noka.<br /> <br />Për zbulimin e grupeve të strukturuara kriminale në vend ka kërkuar informacion edhe deputeti i djathtë Ervin Salianji.
