http://www.vizionplus.tv<br />https://facebook.com/VizionPlusTV<br />https://twitter.com/VizionPlusTV<br />Ish-kreu i Hipotekave Ilirjan Muho mohoi të ketë pasur dijeni për regjistrimin e ish-hotel Vollgës, 30 përqind e së cilës shkoi në favor të Emiljano Shullazit. Në dëshminë e tij këtë të martë në Gjykatën e Krimeve të Rënda, Muho tha se prona ishte regjistruar në kohën kur ai ka qenë me pushime dhe nuk kishte ndonjë informacion në lidhje me të.<br /> <br />?Kur është bërë regjistrimi i Vollgës isha me pushime. Për regjistrimin më telefonoi Alban Dabulla. Ai më tha se prona u regjistrua nga Ylvi Beqaj.?<br /><br /> <br />Në seancën e kësaj të marte dëshmoi edhe truproja i Ylvi Beqajt, babai i Jani Zakës dhe Fatmir Sinanaj.<br /> <br />I ati i biznesmenit Jani Zaka, Fehmi Zaka ndryshoi dëshminë e tij. Gjatë hetimeve ai kishte thënë se ishte kërcënuar nga Shullazi per çështjen e pronësisë së një parkingu, por në seancë u shpreh se nuk e njeh fare as Shullazin e as Danin.<br /> <br />Ai tha se problemin e ka me një tjetër person Fatmir Sinanaj, i cili sipas tij nuk i jep hipotekën e parkingut.<br /> <br />Roland Tarja, badigardi i Ylvi Beqajt tha se biznesmeni ishte shume i kënaqur nga bashkëpunimi me Shullazin, ndërsa në dy raste kishte tërhequr nga banka shuma në total prej 150 mijë eurosh, të cilat më pas ia kishte dhënë biznesmenit Beqja.<br /> <br />Në seancën paraardhëse, shoferi i biznesmenit tha se këto para i ishin dhënë Gilmando Danit.
