http://www.vizionplus.tv<br />https://facebook.com/VizionPlusTV<br />https://twitter.com/VizionPlusTV<br />Shkodra dhe Berati ishin dy qytetet e radhës, ku policia zhvilloi aksionin vjeshtë 2017.<br /> <br />Në Berat policia ngriti postblloqe të shumta në hyrje dhe në dalje të qytetit, për të verifikuar të gjitha automjetet luksoze të dyshuara si të trafikuara.<br /><br /> <br />Kjo është një makinat që i është nënshtruar verifikimit. Pasi kanë kontrolluar edhe shoferin, policia ka dhënë urdhër që makina të dërgohet në komisarit.<br /> <br />Shoferi është larguar me makinën e tij, i shoqëruar nga një polic.<br /> <br />Burimet zyrtare të Drejtorisë së Policisë së Qarkut Berat bëjnë me dije se deri tani janë shoqëruar në polici 12 automjete luksoze. Këto mjete po verifikohen nga inspektorët e krimit të organizuar për të vërtetuar nëse janë të vjedhura ajo jo, si dhe për të vërtetuar mundësinë financiare të blerjes së tyre nga pronarët.<br /> <br />Të njëjtat burime konfirmojnë se aksioni do të vijojë në të gjitha akset e qytetit, derisa të verifikohet çdo automjet që qarkullon në Berat.<br /> <br />Ndërkohë në Shkodër, rreth 2300 m2 pasuri e paluajtshme dhe 4 automjetet u sekuestruan nga policia.<br /> <br />Këto janë dy nga godinat e bllokuara në lagjen ?Ajasëm? në Shkodër, në të cilat prodhoheshin produkte ushqimore false.<br /> <br />Blutë e Shkodrës sekuestruan edhe një magazine ku ruheshin pijet e prodhuara dhe 4 automjete në përdorim të subjektit tregtar ?Briland?.<br /> <br />Javën e shkuar Forcat e Ndërhyrjes së Shpejtë dhe trupat RENEA ishin në Elbasan, Vlorë, Fier dhe Tiranë ku ndaluan dhjetëra persona me shkelje, si dhe të dyshuar për përfshirje në veprimtari kriminale.<br /> <br />Aksioni i gjerë nisi pas një incidenti me Policinë në Elbasan, ku një audi i blinduar goditi makinën e nëndrejtorit të policisë, teksa ai bashkë me dy patrulla po shoqëronin një automjet luksoz për kontroll.
