TIRANE-Incidenti i ndodhur pak ditë më parë në Elbasan ka zbritur në sallën e Kuvendit të Shqipërisë duke përplasur kryeministrin Rama me Lulzim Bashën. <br /><br />Kryetari i Paritsë Demokratike, Lulzim Basha i ka kërkuar Edi Ramës që të shkarkojë kryebashkiakun e Elbasanit, Qazim Sejdini pas incidentit, pasi sipas tij është i përfshirë në ngjarje përmes dhëndrit të tij.<br /> <br />Basha deklaroi se dhëndri i Sejdinit u refuzua që të përgjohet, ndërsa kompania e gruas së tij është duke u hetuar për trafik droge.<br /><br />Basha-Ramës: Shkarko Sejdinin, Ruçin dhe Xhafajn<br />Lideri demokrat i bëri thirrje kryeministrit që përpos, Sejdinit të largojë edhe kryetarin e Kuvendit dhe ministrin e Brendshëm.<br /> <br />?Qytetarët e Elbasanit janë nën terrorin e bandave, të bëra njësh me politikën lokale të Qazim Sejdinit, me mbështetjen e Edi Ramës.<br /><br />Policia refuzoi urdhrin e prokurorisë për të përgjuar disa anëtarë të bandës, pas disa ditësh policia e mohon që është ushtruar dhunë dhe gjithçka mbyllet si incident i rëndomtë.<br /> <br />Qyteti i kësaj historie është Elbasani, banditi është dhëndri i kryebashkiakut, ndërsa kompania e gruas është duke u hetuar për trafik droge.<br /> <br />Një bandë kriminelësh ushtron dhunë të hapur ndaj policisë, policia refuzon t?i hetojë dhe ti përgjojë. Policët nuk guxojnë të përgjojnë banditin, por heshtin.<br /><br />Policia e Elbasanit u poshtërua dhe u shpartallua nga një bandë. Po pse nuk hyri policia brenda magazinës? Është e thjeshtë, policia nuk e kaloi jo se nuk ka mjetet, por sepse ajo magazinë është kështjella e Ramës, e krimit e bandës, zonë me mbështetje qeveritare.
