Subscribe në Ora News këtu http://bit.ly/1s5j7UT<br /><br />Kreu i Partisë Demokratike, Lulzim Basha, vlerëson se prezenca e FMN-së në Shqipëri do të ndihmonte në një monitorim më të afërt dhe mbikëqyrje të politikave abuzive ndaj biznesit.<br />Gjatë një takimi me shefen e misionit të Fondit Monetar Ndërkombëtar për Shqipërinë, Anita Thuludhar dhe përfaqësuesin e përhershëm të FMN në Tiranë, Jens Reinke, Basha falenderoi FMN-në për bashkëpunimin.<br />Sakaq përfaqësuesit e FMN-së shprehën vlerësimet e tyre për rolin e opozitës në mbikëqyrjen dhe kontrollin e qeverisë gjatë katër viteve të shkuara, në një takim me kryetarin e Partisë Demokratike.<br />Gjatë takimit, Basha i infomoi bashkëbiseduesit edhe në lidhje me raportin e OSBE-ODIHR.<br />?Blerja e votës, përdorimi i burimeve publike, presioni mbi votuesit fatkeqësisht vazhdojnë dhe mbeten problemet kryesore që shoqëruan procesin zgjedhor? tha Basha.<br />Ai shtoi se ?kjo krizë në këtë fillim të legjislaturës shoqërohet dhe nga shqetësimet për situatën ekonomike ku niveli i lartë i borxhit, në 71% të PBB së bashku me nivelet e ulëta të mbledhjes së të ardhurave, janë duke ndikuar në të gjithë treguesit e tjerë ekonomikë. Papunësia ndër të rinjtë vazhdon të mbetet e lartë, dhe biznesi ka tkurrur veprimtarinë e tij duke mos marrë vendime për zgjerim. Kjo, e shoqëruar me një nivel shumë të ulët të investimeve të huaja, bëjnë të mundur që sektori privat të mos jetë më punëdhënës me kërkesë të lartë.<br /><br />Për më shumë lexoni në: http://www.oranews.tv/vendi/basha-mbeshtet-nje-program-tjeter-me-fmn-per-kontrollin-e-qeverise/
