Subscribe në Ora News këtu http://bit.ly/1s5j7UT<br /><br />Policia bashkiake dhe ajo rrugore kanë nisur aksionin e përbashkët për të identifikuar dhe spostuar automjetet e braktisura në rrugë. Në këtë kategori do të përfshihen automjetet që kanë mbi 2 javë që qëndrojnë në parkime dhe rrugë, si dhe ato të dëmtuara apo të djegura që për muaj kanë bllokuar vendqëndrimet.<br />Nëse lini automjetin tuaj pa lëvizur nga parkimi për të paktën dy javë, do të konsiderohet si mjet i braktisur dhe do të spostohet në një pikë të caktuar grumbullimi nga policia bashkiake dhe ajo rrugore.<br />Uniformat blu, vendore dhe qëndore, përmes një aksioni të përbashkët nisën punën në terren për identifikimin e automjeteve të braktisura, kryesisht makina të cilat lihet për një kohë të gjatë në rrugë, automjete të prishura apo të djegura.<br />Toni Beni: Një mjet i cili ka qëndruar për një kohë mbi dy javore dhe nuk është lëvizur gjë që është identifikuar nga shërbimet tona konsiderohet si mjet i braktisur. Faza e parë ka filluar me njoftimet që na kanë ardhur nga qytetarë të ndryshëm që kanë zënë ambientet. Janë rreth 90 mjete në të gjithë njësitë administrative që mbulon bashkia Tiranë.<br />Inspektori i policisë bashkiake, Toni Beni, tha se janë identifikuar 90 automjete të braktisura brenda territorit të bashkisë së Tiranës.<br /><br />Për më shumë lexoni në: http://www.oranews.tv/vendi/nis-aksioni-per-heqjen-dhe-zhvendosjen-e-mjeteve-te-braktisura/
