Shqipëria do të vendosë në axhendën e takimeve me zyrtarë të Europës si një ndër çështjet e para, atë të funksionimit të linjës së interkonjeksionit me Kosovën. Deklaratën e ka Ministri i Infrastukturës dhe Energjisë, Damian Gjiknuri gjatë një takimi me homologun kosovar, Valdrin Lluka.<br /><br />"Edhe ne si anëtarë të Rrjetit Europian të Energjisë, nëpërmjet Operatorit të Sistemit të Transmetimit do të bëjmë gjithçka që kjo çështje të ngrihet në nivelet më të larta".<br /><br />Ndërsa pala kosovare do të bëhet pjesë e bursës shqiptare të energjisë duke blerë aksione në emër të Transmetuesit Publik.<br /><br />?Transmisioni i Kosovës do të jetë pjesë e bursës shqiptare në formë aksionari dhe grupi i punës do t'i definojë më tej detajet?.<br /><br />Berlini zyrtar i kërkoi para dy javësh Sekretaritetit të Energjisë që të ndërmjetësojë negociatat mes Prishtinës dhe Beogradit për të zgjidhur mosmarrëveshjen me linjën e tensionit të lartë 400 kv.<br /><br />Ky investim 42 milion euro është bërë me paratë e Bankës Gjermane për Zhvillim, por edhe pse ka më shumë se 1 vit që ka përfunduar, ende nuk ka hyrë në punë, pasi Serbia nuk njeh pavarësinë e sistemit të transmetimit të Kosovës, i cili më pas bëhet pjesë e transmetuesit europian.<br /><br />Tv Klan
