Subscribe në Ora News këtu http://bit.ly/1s5j7UT<br /><br />Kritikët anti-Basha në Partinë Demokratike kanë bërë publike platformën e tyre në PD ku nënvizohet se qëllimi është ringritjen e kësaj force politike si dhe t?i japë zgjidhje krizës.<br />Duke e cilësuar se PD është në situatë kritike, firmëtarët nënvizojnë se shkak është drejtimi i gabuar, i cili ka sjellë si pasojë deformimin e madh të programit e përfaqësimit politik por dhe përjashtimin e forumeve dhe anëtarësisë nga vendimmarrja duke dëmtuar në mënyrë progresive fuqinë elektorale të saj.<br />Për këtë përgjegjës kryesor bëhet Kryetari i Partisë Demokratike, Lulzim Basha, duke e mbështetur argumentin në rezultatin e zgjedhjeve të 25 qershorit ku selia blu mori vetëm 43 deputetë dhe që sipas kritikëve të Bashës u humbën 230 mijë zgjedhës që refuzuan të votonin siglën e PD.<br />Po ashtu Basha konsiderohet autori kryesor i farsës së zgjedhjeve të 22 korrikut, të cilat e rënduan edhe më shumë krizën e besimit tek anëtarësia e Partisë Demokratike. madje për kritikët shkeljen e plotë të statutit e ka pranuar dhe Basha kur nënshkroi dhe fshehu marrëveshjen e 18 majit me kryeministrin Edi Rama dhe me zgjedhjen e kandidatëve për deputetë e pasuar me vendimin të konsideruar të paprecedent për votimin e kryetarit të Pd pa bërë më parë analizën e humbjes së votimeve<br />Nga këto rrethana, firmëtarët e platformës kërkohet caktimi i zgjedhjeve të reja në PD, dhe kjo në një afat jo më shumë se nëntë muaj. Gjatë kësaj periudhe ne degët e selisë blu kërkohet zhvillimi i një analize duke nisur nga transparenca e marrëveshjes Rama-Basha, heqjen e simboleve të PD në fushatë, strategjinë e fushatës dhe listën e kandidatëve.<br />Një tjetër komision kërkohet të ngrihet për ndryshimet në statusin e PD<br />Janë rreth 65 drejtues të lartë të PD dhe ish-funksionarë të cilët kanë firmosur platformën në të cilën nënvizohet se Partia Demokratike është forcë politike e qendrës së djathtë, e cila i qëndron principeve bazë të familjes evropiane teksa kërkohet angazhimi për një vëmendje më të madhe ndaj ish-të përndjekurve politikë, pronarëve legjitimë dhe shtresave të tjera mbështetëse tradicionale të saj në këto 27 vite. ndër firmëtarët janë dhe Besnik Mustafaj, Majlinda Bregu, Astrit Patozi, Keltis Kruja etj.<br /><br />Për më shumë lexoni në: http://www.oranews.tv/vendi/shpallet-platforma-per-ringritjen-e-pd-se-lista-me-nenshkruesit/
