Pas publikimit të platformës për ringritjen e Partisë Demokratike, përfaqësues të kësaj lëvizje, mes të cilëve ish-deputetë, ish-ministra, anëtarë të Kryesisë dhe Këshillit Kombëtar thonë se dokumenti i firmosur prej tyre do t?i dërgohet zyrtarisht edhe kryetarit Lulzim Basha. Ish-ministri i Financave Ridvan Bode thotë se platforma në thelb synon të nxjerrë këtë forcë politike nga kriza e thellë ku e çoi drejtimi i gabuar i Lulzim Bashës, përmes një procesi zgjedhor.<br /><br />?Bashkimi i Partisë Demokratike përmes një procesi zgjedhor është qëllimi ynë. Të kërkohet ndjesë publike. Të mundësohet hapja e një debati për kapërcimin e problemit që ka lidershipi i cili vuan nga mungesa e kredibilitetit. Do t?i drejtohemi dhe zyrtarisht partisë, por tashmë kërkesa është publike?.<br /><br />Bode thote se qëllimi i lëvizjes nuk është të gjejë konsensus brenda radhëve të demokratëve, por bashkimin e tyre përmes një analize të thellë, ku një ndër pikat e panegociueshme është hapja e një gare edhe për kryetarin e partisë.<br /><br />?Nuk kërkojmë ndarje postesh, por pajtim përmes nje debati të përgjithshëm analizues dhe zgjedhjeve. Rizgjedhja e kryetarit është kusht i panegociueshëm. Kjo i bën mirë dhe kryetarit për kredibilitetin e tij të bjerrur".<br /><br />E në rast të mos marrjes në konsideratë të kësaj platforme nga Lulzim Basha, Lëvizja për ringritjen e Partisë Demokratike thotë se do t?i drejtohet anëtarësisë.<br /><br />?Do takojmë demokratët anembanë Shqipërisë. Do jetë një platformë që do ta diskutojmë me gjithë anëtarësinë?.<br /><br />Ish-ministri i Financave sqaron se platforma nuk synon aspak krijimin e fraksioneve në Partinë Demokratike, një kërkesë kjo e bërë më herët nga ish-nënkryetari Astrit Patozi e që u refuzua prerazi nga Lulzim Basha.<br /><br />?Nuk po kërkojmë fraksione dhe as përfaqësim të cilësuar. Duam votime dhe të drejta të barabarta në votime dhe le të jetë anëtarësia që të vendosë?.<br /><br />Firmëtarët e platformës për ringritjen e Partisë Demokratike propozojnë caktimin e një afati jo më vonë se 9 muaj për mbajtjen e zgjedhjeve të reja në parti, ku përfshihen të gjitha institucionet e saj. Gjithashtu ata kërkojnë ngritjen e një komisioni zgjedhor me përfaqësim të barabartë për të pasur një proces të drejtë, të lirë e të pandikuar zgjedhor.<br /><br />Zhvillimi i një analize që të drejtohet nga nje grup pune me përfaqësim të balancuar ku në qendër të tij të ketë sqarimin dhe trasparencën për çështjet e mëdha të Partisë Demokratike, që nisin me marrëveshjen e 18 Majit, heqjen nga fushata të simboleve të partisë, hartimin e listave për deputetë, strategjinë e fushatës, shkeljet flagrante të statutit si dhe vendimet personale te kryetarit apo të të tjerëve, që ndikuan në humbjen e rëndë të 25 Qershorit, është një ndër çështjet e panegociueshme. Gjithashtu në dokument kërkohet si garanci për një bashkëjetesë demokratike edhe krijimi i një komisioni të balancuar që do të përpilojë dhe hartojë ndryshimet e nevojshme statutore, të cilat do të respektohen nga anëtari më i thjeshtë e deri tek kryetari i saj.<br /><br />Tv Klan
