Taulant Balla është i pari anëtar i mazhorancës që reagon lidhur me deklaratën e ambasadorit Donald Lu, i cili bëri deklarata të forta lidhur me krimin e organizuar në Shqipëri.<br /><br />Kreu i grupit kuvendor socialist zgjodhi të mos ndalet në komente, por foli për një plan të qartë që qeveria pritet të zbatojë në javët e ardhshme për të goditur grupet kriminale.<br /><br />?Do jeni dëshmitar sesi në javët e ardhshme qeveria do të godasë krimin..."<br /><br />Balla nuk komentoi po ashtu as kërkesën e demokratëve drejtuar Prokurorisë për të verifikuar formularin e dekriminalizimit për deputetin socialist Gjetan Gjetani dhe atë të PDIU Aqif Rakipi, pasi sipas tij ligji do të zbatohet për cilindo nga të zgjedhurit.<br /><br />?S'ka vend nëse do ta mbështësim apo jo ligji është njësoj për të gjithë. Ne e kemi bërë hetimet tona por ka dhe një fazë të dytë hetimi që është pas zgjedhjes së deputetëve".<br /><br />Në seancën e të enjtes do të miratohet ngritja e komisionit bipartizan për Reformën Zgjedhore. Balla thotë se maxhoraca dhe opozita do të kenë numër të barabartë anëtarësh duke lënë të kuptohet se të dy partitë e opozitës do të përfaqësohen brenda numrit të dakortësuar që do ti lihet pakicës në komision.<br /><br />Në konferencën e kryetarëve të zhvilluar gjatë paradites së mërkurës socialistët kanë propozuar dhe nismën për miratimin nga të gjithë deputetet të Kodit të Etikes, edhe pse të drejtat dhe detyrimet e të zgjedhurve përcaktohen në Kushtetute dhe në rregulloren e Kuvendit.<br /><br />Por Balla thotë se kjo nisme do t'i shërbejë luftës kundër korrupsionit.<br /><br />Tv Klan
