Policia ka dhënë informacion zyrtar për operacionin e zhvilluar këtë të mërkurë në Elbasan, ku u arrestua Enea Bekteshi. <br /><br />Në një njoftim për mediat, thuhet se 31 - vjeçari dyshohet se drejtonte ?Audin? që goditi mjetin e policisë në lagjen ?Dyli Haxhire?, pranë tregut Agro ? Ushqimor, ngjarje e ndodhur më 18 Shtator.<br /><br />"Ndaj këtij shtetasi Prokuroria e Krimeve të Rënda Tiranë më datë 29.09.2017, ka lëshuar urdhër ndalimi pasi dyshohet të jetë drejtuesi i mjetit tip ?Audi? me targa AA 795 EP i dyshuar i blinduar që goditi mjetin e policisë me targa MB 002 AA më datë 18.09.2017 në Lagjen ?Dyli Haxhire? pranë tregut Agro ? Ushqimor. Pasi ka goditur mjetin e policisë mjeti tip ?Audi? i dyshuar i blinduar është futur në ambientet e brëndshme të tregut Agro ? Ushqimor", sqarohet në njoftim.<br /><br />Bekteshi u ndalua në Cërrik, në shtëpinë e kunatit të tij Aleks Pupuleku. Gjatë kontrollit të banesës autoritetet gjetën gjithashtu një sasi kanabisi dhe një bajonetë.<br /><br />Policia arrestoi edhe 40 - vjeçarin Pupuleku, për prodhim dhe mbajtje pa leje të armëve të ftohta.<br /><br />Ndërsa Enea Bekteshi duhet të përballet me akuzat për veprat penale vrasje në rrethana të tjera cilësuese, mbetur në tentativë, shkatërrimi i pronës me mjete të tjera dhe prodhimi dhe shitja e narkotikëve.<br /><br />Operacioni i kësaj të mërkure u zhvillua nga policia e Elbasanit, në bashkëpunim me FNSH Tiranë dhe me Forcat e Posaçme Operacionale në Drejtorinë e Përgjithshme të Policisë së Shtetit. Veprimet janë kryer në bashkëpunim me Prokurorinë e Krimeve të Rënda Tiranë./tvklan.al
