http://www.vizionplus.tv<br />https://facebook.com/VizionPlusTV<br />https://twitter.com/VizionPlusTV<br /><br />"Gjermania po përballet me një situatë të vështirë, pasi një stuhi e quajtur ?Zavier? e kategorisë së 3-të goditi pjesën veriore dhe lindore të vendit.<br /> <br />Të paktën 7 persona raportohet se kanë ndërruar jetë deri më tani nga stuhia, e cila shkaktoi erëra të forta dhe reshje shiu të dendura.<br /><br />Një pjesë e viktimave ishin goditur nga pemët.<br /> <br />Disa fluturime u anuluan ndërsa pjesa më e madhe e transportit publik është mbyllur përkohësisht.<br /> <br />Zyrtarët kanë njoftuar shpalljen e gjendjes së emergjencës.<br /> <br />Zjarrfikësit dhe ekipet e shpëtimit janë vënë në gatishmëri, për t?u ardhur në ndihmë të prekurve nga stuhia. Ata kanë marrë qindra telefonata për ndihmë. Autoritetet i bëjnë thirrje banorëve të qëndrojnë të mbyllur në shtëpi, në mënyrë që të shmangin ndonjë fatkeqësi të mundshme.<br /> <br />Stuhia me erëra që mbërrinin shpejtësinë 115 km në orë ka zënë në befasi mijëra udhëtarë në Gjermaninë lindore dhe veriore.<br /> <br />Të paktën 400 pasagjerë në një tren me shpejtësi të lartë i cili po ndiqte rrugën nga Amsterdami në Berlin u evakuuan. Edhe një aeroplan pasagjerësh i cili vinte nga Emiratet me 500 pasagjerë në bord, u përball me erërat e fuqishme, teksa po ulej në aeroport. Piloti u përpoq të mbante situatën në kontroll, pavarësisht lëkundjeve të mëdha para se të prekte tokën.<br /> <br />Gjermania Veriore është goditur nga stuhi të fuqishme ditët e fundit, duke shkaktuar disa viktima. Sipas autoriteteve stuhia është drejtuar drejt Polonisë.<br /> <br />Europa është prekur nga rryma të ftohta atmosferike. Fundjava ka sjellë reshje dëbore në zonat e larta malore edhe në Ballkan. Kryeqyteti i Kosovës u zgjua këtë të shtunë i mbuluar nga dëbora."
