Në Asamblenë Kombetare të Partisë Socialiste kryeministri ka renditur për çdo sektor prioritet e 100 ditëve të para, ku lufta kundër korrupsionit do të jenë në krye të listës.<br /><br />Dhe këtë luftë qeveria duket se do ta nisë nga ata sektorë që në 4 vitet e shkuara drejtoheshin nga aleatët. Kryeministri Rama foli për ndëshkim të gjithë përgjegjësve që sipas tij i kanë kthyer drejtori dhe agjenci si Hipotekat, Patentat, burgjet apo sektorin bujqësor në fole të korrupsionit dhe degradimit te shtetit.<br /><br />?Në këtë fazë të parë të mandatit tonë na duhet pastrim; pastrim fizik, pastrim në të gjithë nivelet e administratës nga keqbërësit dhe fillimi i një lufte të hapur ndaj korrupsionit dhe pastrim strukturor. Na duhet shërbim dhe na duhet ndëshkim në të gjithë nivelet lidhur me çdo shfaqje të korrupsionit?.<br /><br />Kryeministri u ktheu përgjigje dhe akuzave të opozitës për të vendosur nën kontroll organet e reja të vettingut dhe si dëshmi se e kundërta është e vërtetë, sjell këtë fakt.<br /><br />?Ju kemi lënë zyrat që dhe ambasadorët u habitën?.<br /><br />Rama prezantoi përpara Asamblesë dhe emrat e zv/ministrave të rinj të cilët kësaj here kanë kaluar nën një filtër të fortë përzgjedhje nga vetë Kryeministri, dhe pjesa më e madhe e tyre nuk janë pjesë e strukturave të Partisë Socialsite.<br /><br />Tv Klan
