Dëshmia e Enea Bekteshit në Gjykatën e Krimeve të Rënda mbi rrethanat e goditjes së makinës së zv/drejtorit të Policisë së Elbasanit, Gjergj Oshafi, mbrëmjen e 18 Shtatorit në Elbasan, nuk ka qenë bindëse për organin e akuzës dhe as për gjykatën.<br /><br />Burime nga grupi hetimor thanë se ajo ka çaluar dukshëm mbi rrethanat, në të cilat pretendon Bekteshi se ka ndodhur ngjarja. Sipas prokurorisë janë pamjet filmike që e nxjerrin bllof të arrestuarin.<br /><br />Bekteshi ka deklaruar se makina që ai goditi ishte pa shenja dalluese të policisë dhe pa targa.<br /><br />Por sipas hetuesve, nga pamjet filmike duket që makina mban targa dhe përpara saj është furgoni i policisë, me shenja dalluese dhe me fenelinë të ndezur.<br /><br />Të porta e tregut ku hyn audi i blinduar që drejtohej nga Bekteshi është një punonjës policie me uniformë dhe shenja dalluese fosforeshente.<br /><br />Në kohën kur Audi i blinduar që drejtohej nga Bekteshi mbërrin te porta e tregut ushqimor, efektivë të policisë me uniformë po kryenin veprimet për shoqërimin e dy personave.<br /><br />Këto rrethana, sipas hetuesve, rrëzojnë pretendimet e Bekteshit.<br /><br />Për faktin se nuk ndaloi edhe kur një punonjës i policisë qëlloi në ajër për ta paralajmëruar, 31 ? vjeçari tha se u tremb se mund ta vrisnin.<br /><br />Ai ka deklaruar në gjykate se ka qenë nën efektin e alkoolit dhe marijuanës, për të cilën tha se e përdorte prej 12 vjetësh, por sipas policisë as ky pretendim nuk e lehtëson pozitën e tij.<br /><br />Tv Klan
