VLORE-Digjet gjatë natës makina e një punonjësi policie.<br /> <br />Makina tip Benz me targa VL 4929 B që është shkrumbuar i përket Dhimo Nurajt, punonjës policie me funksion ndihmës/specialist zone në Komisariatin e Policisë Vlorë.<br /> <br />Makina ka qenë e parkuar përpara shesh- pushimit të pallatit kur u përfshirë nga flakët rreth orës 02:50, ndërsa ka qenë vetë polici që ka njoftuar për zjarrin.<br /> <br />Në vendngjarje kanë shkuar shërbimet e policisë, grupi hetimor si edhe shërbimi zjarrfikës, ku këta të fundit kanë bërë të mundur shuarjen e flakëve.<br /> <br />Grupi hetimor vijon punën për përcaktimin e shkakut të rënies së flakëve të zjarrit në automjet, ndërsa nga të dhënat e para mësohet se ka qenë e qëllimshme.<br /> <br />Pista e parë ku po hetohet është djegia e makinës për shkak të detyrës.
