TIRANE-Policia ka goditur një bandë që përbëhej nga katër persona, tre prej tyre të mitur, të cilët dhunonin njerëzit te Liqeni Artificial duke u marrë telefonat celularë.<br /> <br />Ata vepronin në orët e vona të mbrëmjes duke grabitur dhe u larguar me shpejtësi në errësirë, ndërsa grupi hetimor ka zbardhur 4 raste pas denoncimeve.<br /> <br />Të arrestuarit janë: E. Gj. 15 vjeç, K. H. 17 vjeç, E.M. 16 vjeç dhe A. Gj. 18 vjeç, të gjithë banues në Tiranë<br /> <br />Pas arrestimit atyre u janë gjetur dhe sekuestruar; Një "IPhone 7", "Samsung S 5", "Samsung S 7 EG", 15 gramë kanabis, një krehër pistolete pa fishekë dhe një kaçavidë.<br /> <br />Grabitjet që janë kryer nga banda<br />Shtetasve të sipërpërmendur, iu është arritur t'i dokumentohet me prova ligjore se janë autorë të ngjarjeve të ndodhura më:<br /> <br />- 08.10.2017, kanë vjedhur me dhunë, aparatin telefonik të markës "IPhone 7", shtetasit L. R.<br /> <br />- 08.10.2017, kanë vjedhur me dhunë, aparatin telefonik të markës "Samsung S5", shtetasit K. Gj.<br /> <br />- 10.09.2017 , kanë vjedhur me dhunë, aparatet telefonik të markave "Samsung S7 EG" dhe "IPhone 5S", shtetasve T. H. dhe R. C.<br /> <br />- 14.06.2017, kanë vjedhur me dhunë, aparatin telefonik të markës "Samsung Galaxy S6", shtetases E. G.
