Gjithçka është gati për t?i dhënë rrugë javën e ardhshme procesit të vetingut. Shefja e Operacionit Ndërkombëtar të monitorimit Genoveva Ruiz Calavera u dha orientimet e fundit në Tiranë 27 njerëzve të vetingut dhe pjestarëve të ekipit ndërkombëtar të instaluar në Tiranë. <br />Bien në sy në krah të Kalaveres si anëtarë të Kolegjit të Apelimit ish-kryeprokurorja Ina Rama dhe Albana Shtylla, ish-Sekretarja e Përgjithshme e Kuvendit në kohën kur drejtohej nga ish-kryeparlamentari Ilir Meta. Trupat e vettingut janë istaluar në mjediset e ish-Lidhjes së Shkrimtarëve dhe në godinën e ish-Kontrollit të Shtetit. Kostoja bazë e reformës për palën shqiptare vetëm gjatë tre viteve në vijim shkon rreth 2 miliardë lekë të rinj. Deputetja socialiste Klodiana Ferhati thekson se procesi përgatitor i vetingut, përfshirë ekspertizën e huaj, ka kushtuar para pa fund. <br /><br />Që në zanafillë, 3 vjet më parë reforma në drejtësi u konceptua mbi dy shtylla bazë; e para Vettingu i gjyqtarëve dhe prokurorëve, e dyta ngritja e një prokurorie, gjykate dhe Byrosë Kombëtare të Hetimit që do të jetë përgjegjëse për të luftuar korrupsionin tek zyrtarët e nivelit të lartë. Deri më datë 13 Tetor vijojnë aplikimet për stafin ndërkombëtar ndihmës që do të asistojnë 8 ekspertët kryesorë të ONM. <br />Përpos vlerësimit të vilave, bizneseve dhe makinave, ekspertët e Komisionit të Vlerësimit dhe Kolegjit të Apelimit do të zbarkojnë në shtëpitë e gjyqtarëve dhe prokurorëve, për të kontrolluar për paratë, orët e shtrenjta, pikturat, çantat luksoze, byzylykët, kostumet, orenditë dhe çdo send tjetër me vlerë, që komprometon subjektin.<br />Vettingu do të nise me Prokurorin e Përgjithshëm Adriatik Lalla, për të vijuar më pas me kryetarin e Gjykatës Kushtetuese Bashkim Dedja dhe me kryetarin e Gjykatës së Lartë Xhezahir Zaganjori.<br />Disa prokurorë rezultojnë me borxhe dhe jetojnë prej vitesh me qira, ndërsa kolegët e tyre deklarojnë disa apartamente, gomone, vila, biznese dhe makina të shtrenjta.<br />Përpos monitorimit të procesit, përfaqësuesit e ONM do të mbledhin prova dhe fakte per prokurorët dhe gjyqtarët, rreth pasurive dhe lidhjeve të tyre me segmente të krimit. <br />Për llogari të procesit të Vetingut, vëzhguesit ndërkombëtarë do të kenë akses në regjistrin e pasurive të paluajtshme, në regjistrin noterial shqiptar, në llogaritë bankare, në të dhënat tatimore, në të dhënat për hyrje-daljet në kufi, në të dhënat mbi kreditë, të ardhurat, mbi sende të luajtshme ose të paluajtshme dhe në çdo dokument tjetër që i shërben kontrollit.
