Shkodra po jeton me emocionet e Kombëtares.<br /><br />Qyteti është përfshirë nga atmosfera e ndeshjes me Italinë që nis sot në 20:45. Tifozët nisën festën që në rrugë veçanërisht në penadonale ku grumbullohen zakonisht. Me mijëra do të jenë sot në ?Loro Boriçi? në mbështetje të Kombëtares.<br /><br />Tifozë dhe kureshtarë të shumtë panë nga afër trofetë e Kupës së Botës të fituara nga Italia, që u ekspozuan në hollin kryesor të teatrit Migjeni.<br /><br />Gjatë pasdites aty pati edhe vizitorë të veçantë.<br /><br />"Skuadrës italiane i uroj që ta humbin kupën sonte dhe të kthehen vitin tjetër në Tiranë me 5 kupa në stadiumin e ri".<br /><br />Kryeministri Edi Rama zgjodhi të flasë në italisht për të nderuar miqtë.<br /><br />"Ka një arsye që të jemi më të emocionuar, pasi luan Kombëtarja Shqiptare, por edhe ajo që është në zemrën e shumë shqiptarëve. Unë dhe shumë miq të tjerë jemi rritur me futbollin italian. Le të fitojë më i miri".<br /><br />Masat e sigurisë konsiderohen nga më të lartat. Aktivitetet tregtare përqark stadiumit ?Loro Boriçi? janë mbyllur që në orën 14:00. Përpara ndeshjes do të ketë edhe një ceremoni zyrtare për ish-kapitenin Lorik Cana që largohet nga futbolli i luajtur.<br /><br />Tv Klan
