Subscribe në Ora News këtu http://bit.ly/1s5j7UT<br />Për të disatën herë, seanca gjyqësore, me objekt kundërshtimin e vendimit të prokurorisë të rrethit gjyqësor Tiranë, mbi pushimin e kallëzimit penal të bërë ndaj disa anëtarëve të AMA, për dhënien e licencës kombëtare shoqërisë ADTN-shpk, nuk është zhvilluar.<br />Në seancën e lajmëruar për t?u zhvilluar këtë të martë, para togave të zeza nuk është paraqitur në kohë as kreu i AMA Gentian Sala, por dhe as prokurori i çështjes.<br />Sala ka mbërritur në gjykatë me vonesë, në kohën kur çështja ishte shtyrë nga gjyqtari për shkak të mungesës së palëve, kur prezent ishin vetëm përfaqësues të shoqërisë Ora sha.<br />Teksa ishte duke lënë godinën e gjykatës së Tiranës dhoma penale, i pyetur për këtë mungesë, Sala ka zgjedhur të mos flasë dhe të largohet.<br />Por Sala dhe në dy seancat e mëparshme nuk ka qenë prezent, teksa prej prokurorisë është regjistruar mungesa në dy prej tre seancave.<br />Madje organi i akuzës nuk ka dhënë as arsye mbi këtë mungesë, duke lënë shumë për të dëshiruar dhe për profesionalizmin e tyre madje duke shënuar dhe zvarritjen e radhës të çështje; zvarritje që janë bërë shkas dhe për uljen e besueshmërisë së shqiptarëve te prokuroria.<br />Pikërisht kjo është dhe arsyeja që ndërkombëtarët kërkuan me ngulm zhvillimin e reformës në drejtësi në Shqipëri, çka kthen shpresën te shqiptarët se drejtësia bëhet.<br /><br />Për më shumë lexoni në: <br />http://www.oranews.tv/vendi/shtyhet-serish-gjyqi-i-licences-audiovizive/
