http://www.vizionplus.tv<br />https://facebook.com/VizionPlusTV<br />https://twitter.com/VizionPlusTV<br />Prokuroria për Krime të Rënda kërkon burgim të përjetshëm për David Qosaj, i akuzuar për vrasjen e punonjësit të policisë Ardian Kodra. Mbi 30 vjecarin rëndon edhe akuza e e armbajtës pa leje.<br /> <br />Ngjarja e rëndë, ku gjatë një aksioni humbi jetën efektivi Ardian Kodra ndodhi në 2 shtator të 2016 në fshatin Torovicë, të Lezhës.<br /><br /> <br />Pas një pune një vjeçare, Prokuroria e Krimeve të Rënda ka arritur të zbardhë dinamikën e ngjarjes, të cilin e ka paraqitur përpara turpit gjykues.<br /> <br />Hetuesit zbuluan se kontrolli në zonën ku ndodhej Qosaj, erdhi pas një telefonate nga fqinji i tij, i cili denoncoi se 30 vjecari kishte dalë nga banesa dhe po qëllonte me automatik. Për këtë arsye policia e Lezhës sëbashku me FNSH Shkodër, u nisën drejt vendit ku ndodhej Qosaj.<br /> <br />Për shkak të terrenit, pranisë së shkurreve të larta në pjesën pranë banesës për policinë ishte e vështirë të sigurohej fushëpamje, ndërsa efektivët mund të ishin lehtësisht në objektivin e të pandehurit. Prokurorët sqarojnë se sapo mjeti blind është vendosur para hyrjes kryesore, Ardian Kodra u qëllua për vdekje. Duke parë situatën dhe duke qenë se banesa ku fshihej kishte marrë flakë, Qosja është hedhur nga banesa, ku ka tentuar të fshihej.<br /> <br />Por edhe pse zona ishte e rrethuar, duke i bërë thirrje të herëpashershme për tu dorëzuar, vetëm pas disa orësh është bërë e mundur kapja e tij dhe sekuestrimi i armës automatik, me të cilën ai kishte qëlluar drejtë shërbimeve policore. 30 vjecari David Qosaj i cili kreu krimin e rende jetonte i vetëm ne shtepi prej disa kohesh pasi pjesëtaret e tjere te familjes ishin larguar jashtë vendit.
