http://www.vizionplus.tv<br />https://facebook.com/VizionPlusTV<br />https://twitter.com/VizionPlusTV<br />Historia klasike e mitit të Orfeut rrëfehet nga mbrëmja e së enjtes në një skenë të improvizuar tek Piramida. Përshtatur në veprën e autores amerikane që emrin e veprës e ka Euridita, aktorët e regjisorja Jonida Beqo kanë zgjedhur që përmes shfaqjes të mos sjellin vetëm historinë e dashurisë së Orfeut me Euriditën, por edhe shumë elementë bashkëkohorë nisur që nga emri i shfaqjes.<br /> <br />Historia e dashurisë zgjat pak. Orfeu e humb të dashurën e tij pasi ajo helmohet nga gjarpri. Euriditës i duhet të udhëtojë në ditën e dasmës drejt botës së nëndheshme, ku ritakon të atin, që vjen në këtë shfaqje nën lëkurën e Niko Kanxherit.<br /><br /> <br />Euridita i rrëfen të atit dashurinë e humbur shumë shpejt, një dashuri që për dy aktorët e rinj ka qenë jo pak e vështirë për ta sjellë në skenë.<br /> <br />Orfeu i njohur si muzikanti më i mirë mes perëndive, vjen në këtë shfaqje më bashkëkohor. Muzika që do të shoqërojë aktorët në skenë është zgjedhur të jetë bashkëkohore.<br /> <br />Nuk mungon as baleti, që në një skenë të improvizuar te piramida pasuron shfaqjen me elementë bashkëkohorë në kushte jo pak të vështira.
