Subscribe në Ora News këtu http://bit.ly/1s5j7UT<br /><br />Dy të rinj u ekzekutuan me armë zjarri në një atentat mafioz në qytetin e Lushnjes.<br />Ngjarja e rëndë ka ndodhur rreth orës 18:00 në lagjen ?Loni Dhamo?, në vendin e quajtur ?Ura e Përroit? në shëtitoren e qytetit, një zonë kjo mjaft e populluar.<br />Viktimat janë identifikuar si shtetasit Zamir Latifi rreth 23 vjeç dhe Jurgen Hoxha.<br />Nga të shtënat me armë ka mbetur i plagosur dhe shtetasi Mario Xhepexhiu 26 vjeç, banues në lagjen ?Loni Dhamo?, i cili ndodhej rastësisht në vendin e ngjarjes. Ai është transportuar në drejtim të Tiranës për mjekim më të specializuar. <br />Nga ngjarja, sipas policisë, ka mbetur gjithashtu i dëmtuar lehtë shtetasi B.T, 66 vjeç, i cili ndodhet në Spitalin e Lushnjes nën kujdesin e mjekëve pa probleme për jetën.<br />Sipas raportimeve nga vendi i ngjarjes mësohet se persona ende të paidentifikuar kanë qëlluar me breshëri kallashnikovi nga një automjet në drejtim të viktimave dhe më pas janë larguar nga vendngjarja<br />Forca të policisë kanë rrethuar zonën dhe po punohet për indentifikimin dhe kapjen e autorëve.<br />Mësohet se policia ka gjetur një mjet të djegur në aksin rugor Lushnje-Berat që dyshohet se u përket autorëve të vrasjes.<br />Policia sqaron se janë ngritur pika kontrolli në hyrje-daljet e qytetit me qëllim identifikimin dhe kapjen e autorëve të kësaj ngjarje.<br /><br />Për më shumë lexoni në: http://www.oranews.tv/vendi/atentat-me-arme-ne-lushnje-ekzekutohen-dy-persona-nje-plagoset/
