Atentati me dy viktima dhe dy të plagosur një ditë më parë në Lushnje nxjerr në pah dobësinë e shtetit përballë personave të konsideruar ?të fortë? apo të paprekshmit.<br />ReportTv ka siguruar vendimin e dhënë nga gjykata e Lushnjes më 26 Korrik 2017 ku ai dënohet 21 vite e 8 muaj burg për tentativë vrasje ndaj nipit të Aldo Bares, Xhulio Shkurti.<br /><br />Atentati i mbetur në tentativë ndaj Xhulio Shkurtit ku për drejtësinë shqiptare autor është Laert Haxhiu ka ndodhur pasditen e 26 shtatorit 2016. Për këtë ngjarje Haxhiu s'u arrestua asnjëherë ndërsa gjykimi ndaj tij u zhvillua në mungesë në gjykatën e Lushnjes.<br /><br />Dhe pse për Haxhiun kishte një vendim gjykate për tu vuajtur në një burg të sigurisë së lartë ai ka qarkulluar i pa shqetësuar në Lushnje duke u bërë dhe protagonist i ngjarjes së mbrëmshme.<br /><br />Sëbashku me Haxhiun për atentatin ndaj Xhulio Shkurtit është dënuar dhe Lulzim Arapi për veprën penale të moskallëzimit të krimit.<br /><br />Për moskallëzim të autorit të atentatit ndaj nipit të Aldo Bares Lulzim Arapi është dënuar me 2 vite burg nga gjykata e Durrësit. Sipas vendimit të gjykatës atentati ku mbeti i plagosur Xhulio Shkurti është kryer me katër plumba pasi në vendngjarje janë sekuestruar katër gëzhoja.<br /><br />Por Laert Haxhiu nuk ka përballje e vetme me drejtësinë këtë dënim. Ai është arrestuar dhe proceduar në 2011 për vjedhje, në 2015 për trafik narkotikësh pasi u arrestuar në operacionin e koduar ?Smart? dhe më pas në 13 prill 2017 për kundërshtim të forcave të policisë.<br /><br />ReportTv ka siguruar dhe vendimin e vitit 2015 ku Haxhiu u arrestua në grupin e trafikut të heroinës me sasi të konsiderueshme nga policia e Durrësit por mundi tia hedh me një dënim minimal me 1 vit e 5 muaj.
