Subscribe në Ora News këtu http://bit.ly/1s5j7UT<br />Policia Bashkiake ka angazhuar 250 efektivë për të garantuar mbarëvajtjen e Maratonës së Tiranës, ndërsa sinjalisika ëhstë vendosur në 8 akse kryesore. Ndalohet parkimi në Blv dëshmorët e Kombit, Rruga e kavajas, Ibrahim Rugova në ish bllok dhe sheshi Nënë Tereza. Këto akse do të bllokohen për lëvizjen e automjeteve të dielën deri në orën 14.00.<br />250 efektivë të policisë bashkiake, dhjetra të tjerë nga policia e shtetit janë të angazhuar për të garantuar mbarëvajtjen e Maratonës së Tiranës. Në Sheshin Nënë Tereza, blv Dëshmorët e Kombit, Unaza e Vogël, Rruga e Kavajës dhe Ibrahim Rrugova në ish bllok është vendosur sinjalistika sipas itinerarit ku do të kalojnë vrapuesit. Nën moton ?Vrapo me ritmin e qytetit?, starti i garuesve do të nisë nga Sheshi Nënë Tereza. Itinerari me gjatësinë më të madhe është 21 km për atletët profesionistë. Bashkia e Tiranës përsa i takon masave të marra për sinjalistikën dhe sigurinë thonë se gjithçka është gati për zhvillimin e garës e certifikuar nga organizatat ndërkombëtare.<br />Toni Beni, Shefi i kontrollit të territorit: Nga policia bashkiake do jenë 250 punonjës policie, policë dhe inspektorë të cilët do jenë të angazhuar. Gjithashtu do jenë forca nga polica e shtetit, dhe ata do japin një shifër pas planit të masave të marrë nga ana e tyre, por do jenë dhe të gjitha agjensitë e zbatimit të ligjit në lidhje me sigurinë publike përpara, gjatë dhe pas zhvillimit të maratonës.<br />Pjesë e garës që do të shërbejë gjithashtu si sensibilizim janë edhe personat me aftësi ndryshe.<br />Vrapuesit do të përshkojnë vetëm qytetin, duke shërbyer kështu edhe si një aktivitet promovues. Në garë marrin pjesë 2500 vrapues nga Shqipëria dhe 40 vende të ndryshme të botës.<br />Rrugët bllokohen të dielën për automjetet, ndërsa parkimi është i ndaluar që nga e premtja në mbrëmje në 8 akse kryesore ku kalojnë vrapuesit. Qytetit do ti kthehet normaliteti të lëvizjes, të dielën pas orës 14.00.<br /><br />Për më shumë lexoni në: <br />http://www.oranews.tv/vendi/maratona-e-tiranes-ja-akset-kryesore-qe-do-te-bllokohen/
