Në dëshminë e tij në polici i riu ka dëshmuar se shkak për kërcënimin për vetëflijim është bërë fakti se ish-gruaja e tij nuk e linte atë të shikonte fëmijët.<br /><br />Sajmir Zalli, rreth 35-vjeç, është personi i cili kërcënoi se do hidhej nga vinçi pranë Pallatit të Kulturës, në Tiranë. Shqiptarja.com ka siguruar foton e 35-vjeçarit i cili mësohet se është baba i dy fëmijëve.<br /><br />Nga maja e vinçit ai kërkoi Prokurorin e Tiranës, ndërsa gjatë gjithë kohës ka folur në telefon dhe ka konsumuar cigare.<br /><br />Ndërkohë që policia ka tentuar për shumë minuta të negociojë me të riun, duket se ai ka zbritur më pas vullnetarisht nga lartësia.<br /><br />Fillimisht ai refuzoi të zbriste duke iu përgjigjur policisë ashpër e me gjeste fyese, ndërsa qëndronte duke pirë cigare e duke folur në telefon me familjarët<br /><br />Kanë qenë qytetarët që kanë informuar policinë se një i ri po tenton të vrasë veten duke kërcënuar të hidhet nga vinçi. Tashmë pritet dëshmi etij në polici për të mësuar më shumë rreth motiveve të Zallit për vetëflijim.
