Kanë qenë qytetarët ata që kanë informuar policinë se një i ri po tenton të vrasë veten duke kërcënuar të hidhet nga vinçi. Në dëshminë e tij në polici i riu ka treguar se shkak për kërcënimin për vetëflijim është bërë fakti se ish-gruaja e tij nuk e linte atë të shikonte fëmijët.<br /><br />Zhvillimet minutë pas minute nga ngjarja:<br /><br />Ora 19:56: Njoftimi i plotë i policisë:<br /><br />Tiranë.<br /><br />Informacion paraprak.<br /><br />Më datë 16.10.2017, rreth orës 17:30, jemi njoftuar se në qendër kishte hipur në një vinç, një shtetas i cili pretendonte se do hidhej nga vinçi.<br /><br />Menjëherë në vendngjarje kanë mbërritur policia dhe zjarrfikësja.<br /><br />Pas negociatave të bëra nga Policia një i afërm dhe një gazetar u arrit që shtetasi Saimir Zalla 35 vjeç nga Lezha të zbrite nga vinçi.<br /><br />Ky shtetas u shoqërua në ambientet e policisë dhe sipas deklarimeve paraparake të thëna prej tij, e kishte ndërmarrë këtë veprim, pasi ishte divorcuar me bashkëshorten dhe kishte probleme se ish bashkëshortja nuk e lejonte të takonte dy fëmijët e tij.<br /><br />Ora 19:42: Ish-gruaja tregon se ajo e linte ti takonte fëmijët, por Zalli kishte probleme me alkoolin<br />E pyetur nga policia ish-bashkëshortja e Sajmir Zallit ka treguar se me vendim gjykate fëmijët i takonin asaj, por nuk e ka penguar babin 35-vjeçarë që ti takonte, ndërsa ka shtuar se Sajmir Zalli shumë shpesh konsumonte alkool<br /><br /><br />Ora 19:39: Sajmir Zalli dëshmon në polici<br />Pasi kërcënoi për gati një orë se do të hidhej nga vinçi, Sajmi Zalli ka treguar në komisariat se shkak për këtë veprim u bë fakti që Ish-gruaja nuk më e lejonte të takonte fëmijët<br /><br />Ora 18:55 : Sajmir Zalli zbret nga vinçi, policia e merr drejt komisariatit<br />Pas rreth një ore, 35-vjeçari zbriti nga vinçi ndërsa policia e shoqëroi atë më pas drejtë komisariatit
