Në dy javë, 212 biznese janë mbyllur nga aksioni anti informalitet. Drejtoria e Tatimeve raporton se kontrollet janë bërë nga terreni dhe zyra e tatimeve për 6778 subjekte, ku kanë rezultuar me shkelje 1400, ose 21% e tyre.<br />Tatimet kanë penalizuar deri në mbyllje 212 ndërmarrje, ku një pjesë e tyre nuk kanë qenë të regjistruara, e disa tjera janë gjetur duke mos lëshuar kuponin tatimor për herë të dytë. 1200 biznese të tjera janë gjobitur. <br />Deri tani llogaritet një shumë prej 1.7 milion dollarësh që nuk është deklaruar nga subjektet tatimore. Një prej problemeve më të mëdha që raportojnë tatimet është evazioni me fshehjen e xhiros së vërtetë që bën biznesi për të shmangur pagesën e tatimit mbi fitimin. <br />810 ndërmarrje nuk kanë deklaruar qarkullimin e saktë vjetor, ku më shumë se gjysma e këtyre ndërmarrjeve, 430, ndodhen në kryeqytet. <br />Aksioni ka identifikuar deri tani edhe 323 punonjës të pasiguruar, ndërsa te biznesi i madh kontrollet po përqëndrohen te niveli i pagave që deklarohen.
